Түркістан облысы Арыс ауданында ұрланған мал тиелген екі жүк көлігі анықталған - деп хабарлайды ERNUR.KZ тілшісі.
Арыс аудандық полиция басқармасы анықтағанындай малдың құжаттары жоқ боп шыққан. Күдікті ретінде Арыс ауданының тұрғыны құрықталды. Тергеу кезінде мал жайылымынан 10 бас жылқыны күдікті ұрлап әкетіп, жергілікті тұрғындарға сатқаны мәлім болған. Сөйтіп мал иесіне үш млн теңге шығын келтірген.
"Болған жайт ҚР ҚК 188 бабымен «ұрлық» бойынша Арыс АПБ СДТБТ тіркелді. Күдікті қамауға алынды. Сотқа дейінгі тергеу жүргізілуде. Полицейлерінің жүргізген мал ұрлығына қарсы күрес іс шарасы арқасында ұрлық қылмысы дер кезінде ашылып, полицияға шағымданған заңды егесіне мүлкі қайтарылды"-деп хабарлайды Түркістан облыстық полиция департаментінің баспасөз қызметі.
