ТҮРКІСТАН: “Ашық әкімдікте” әлеуметтік мәселелер көтерілді

Түркістан облысы әкімінің орынбасары жеке қабылдау өткізді, деп хабарлайды ERNUR.KZ.

Түркістан облысы әкімінің орынбасары Бейсенбай Тәжібаев кезекті жеке қабылдауын өткізді. Азаматтарды қабылдау орталығына өңірдің әр аумағынан келген тұрғындар шағымдары мен ұсыныстарын жеткізді. Білім, денсаулық сақтау, жұмыспен қамту, әлеуметтік салалар бойынша көмекке жүгініп, өздерін алаңдатқан сұрақтарға жауап алды.

Талап-тілектер және өзекті мәселелердің басым бөлігі білім саласына қатысты қаралып, жауапты басқарма өкілдерінің қатысуымен талқыланды. Атап айтқанда, ауылдағы мектептің жабылуы, білім ұясының құрылысы, жұмыспен қамту, балабақшаға қаржы қарастыру мәселелері көтерілді.

Өтініш иелерін мұқият тыңдаған Бейсенбай Дәулетұлы әрбір шағым бақылауға алынып, заң шеңберінде зерделенетін айтты. Ашық форматтағы қабылдаулар, бетпе-бет кездесулер жалғасады.