Байқаудың республикалық кезеңіне Түркістан облысының педагогтары арасынан іріктелген 11 ұстаз қатысты.
Түркістан қаласында «Үздік педагог-2020» байқауының ІІ кезең жеңімпаздарын марапаттау рәсімі өтті, деп хабарлайды ERNUR.KZ.
Шараға Түркістан облысы әкімінің орынбасары Сәкен Қалқаманов, байқау жеңімпаздары мен БАҚ өкілдері қатысты.
Облыс әкімінің орынбасары марапат иелерін құттықтап, ұсыныс-тілектерін тыңдады. Сонымен қатар, үздік ұстаздарды оқушыларға сапалы білім беріп, саналы ұрпақ тәрбиелеу жолында қажырлы еңбек ете берулеріне тілектестік білдірді.
«Байқаудың республикалық кезеңіне Түркістан облысының педагогтары арасынан іріктелген 11 ұстаз қатысты. Сайыс нәтижесінде республикалық кезеңге өткен ұстаздардың 3-і «Үздік педагог» атанып,қомақты сыйлықтармен марапаталды. Бүгін республикалық жарысқа қатысқан өзге 8 мұғалімге Түркістан облысы адами әлеуетті дамыту басқармасы тарапынан арнайы сыйақы мен облыстың «Үздік педагог» куәлігі табысталады. Марапаттарыңыз құтты болсын, ұлағатты ұстаздар»,- деді Сәкен Амангелдіұлы.
Марапатқа ие болған мұғалімдерді облыс әкімінің орынбасары арнайы құттықтап, әрқайсысына 850 000 теңгенің сертификатын табыстады.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
