Түркияның орталық бөлігінде магнитудасы 5,3 болатын жер сілкінісі болған. Жерасты дүмпулері Астана уақыты бойынша сағат 9.13-те тіркелді.
ERNUR.KZ. Түркияда тағы жер сілкінісі тіркелді, деп жазады tengrinews.kz.
Деректерге сәйкес, Түркияның орталық бөлігінде магнитудасы 5,3 болатын жер сілкінісі болған. Жерасты дүмпулері Астана уақыты бойынша сағат 9.13-те тіркелді. Жер сілкінісінің ошағы Гельбаши ауданынан бес шақырым жерде орналасқан. Ошақ екі шақырым тереңдікте анықталған.
Еске салайық, 6 ақпанда Түркияның оңтүстік-шығысында бірқатар жер сілкінісі болып, Сирияның бірнеше провинциясы да зардап шеккен. Ең күшті жер сілкінісінің магнитудасы 7-ден жоғары болды. Табиғи апат салдарынан Түркияда көптеген ғимарат қирады.
Түркия жеті күндік жалпыұлттық аза тұту күнін жариялады. Елдегі және көршілес Сириядағы жер сілкінісінен зардап шеккендердің саны 4 мыңнан асты.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
