Аяғын жұлып алған: Испанияда акуланың шабуылынан турист көз жұмды

ERNUR.KZ. Канар аралында демалып жүрген әйелге акула шабуыл жасап, германиялық турист ауыр жарақат салдарынан көз жұмды, деп жазады Stan.kz.

Кешкі сағат 8 шамасында жыртқыш жағалаудан 500 метрдей жерде шомылып жүрген әйелді тістеп алды. Жергілікті теңіздегі құтқарушы топ шұғыл көмекке келіп, Африканың солтүстік-батысындағы экипажға шұғыл ескерту жасады.

Құтқарушылар көмекке жеткенде акула әйелдің аяғын жұлып алғанын көрген.

30 жастағы әйел көп қан жоғалтқандықтан оған медициналық көмек көрсету үшін ол тікұшақпен эвакуацияланды. Алайда зардап шеккен туристі тасымалдау кезінде оның жүрегі тоқтап қалды.

Жергілікті биліктің айтуынша, марқұм мінген кеме 14 қыркүйекте Лас-Пальмас қаласынан Испанияның оңтүстігі бағытында жүзген. Кеме тоқтап туристер суға жүзу үшін тоқтағанда қайғылы жағдай болған.