Чехиядағы пойыз апаты: төрт адам қаза тапты, 20-дан астам адам жараланды

0
379

Пардубице қаласының маңында жолаушылар пойызының тауар құрамымен соқтығысуы нәтижесінде бір вагон рельстен шығып кетті.


Чехиядағы пойыз апаты: төрт адам қаза тапты, 20-дан астам адам жараланды

ERNUR.KZ. Теміржолдағы қозғалыс тоқтап қалды. Апаттың себептері анықталып жатыр. Чехияда жолаушылар пойызының апатынан кем дегенде төрт адам қаза тапты, деп жазады inbusiness.kz.

Regiojet пойызы мен жүк көлігінің соқтығысуы туралы аймақ губернаторы Мартин Нетолицки Facebook-те жазды.

"Қазіргі ақпаратқа сәйкес, соқтығысу салдарынан 4 адам қаза тапты, басқалары ауыр жағдайда, ондаған адам жеңіл жарақат алды", - делінген хабарламада.

Оқиға орнына келген Чехияның ішкі істер министрі Вита Ракушанның айтуынша, 20 адам жеңіл жарақат алған және үшеуінің жағдайы орташа ауыр деп бағаланды. Әр түрлі мәліметтерге сәйкес, Чехияның Прага астанасынан Словакияның Кошице қаласына баратын Regiojet жеке теміржол компаниясының түнгі экспрессінде 200-ден 300-ге дейін адам болған. ČT24 жаңалықтар телеарнасының хабарлауынша, апат Прагадан шығысқа қарай 100 шақырым жерде орналасқан Пардубице қаласындағы негізгі теміржол вокзалының жанында болған.

Құтқару жұмыстары әлі де жалғасып жатыр, деп хабарлады Пардубице құтқару қызметінің баспасөз хатшысы Алена Кисиала. Жарияланған фотосуреттер мен бейнежазбаларға сәйкес, соқтығысқаннан кейін Regiojet экспресс локомотивінің артындағы бірінші вагон рельстен шығып, жартылай аударылып, жүк пойызында локомотив зақымдалған.