"Қайтыс болған" ер адам мәйітханада тіріліп кетті

ERNUR.KZ. Әзірбайжанның Жалилабад ауданында қайтыс болды деп саналған адам мәйітханада тіріліп кетті, деп жазады BAQ.KZ.

“ Жалилабад ауданы Тахирли ауылының тұрғыны Хаял Гулиев үйінде ешқандай тіршілік белгілерінсіз табылған. Ер адамды қайтыс болды деп санап, аудандық сот-медициналық сараптамасы және патологиялық анатомия бөлімшесіне жеткізген. Алайда мекемеде оның қайтыс болмағаны, коматозды күйде екендігі анықталды. Ер адамды бірден аудандық орталық ауруханаға жеткізіліп, жансақтау бөліміне жатқызылды”, - делінген хабарламада.

Қазіргі уақытта ер адамның жағдайы тұрақты екендігі айтылды. Ол жансақтау бөлімінде ем қабылдап жатыр.