​6-6-6 ЖАТТЫҒУЫ: 2025 жылдың басты ФИТНЕС-ТРЕНДІ

Сурет: img-s-msn-com.akamaized.net

Ашық ауада серуендеу шығармашылық ойлауды арттырып, жаңа идеялардың пайда болуына ықпал етеді. Зерттеулер көрсеткендей, үнемі серуендеу депрессия мен алаңдаушылық белгілерін төмендетіп, өмір сапасын жақсартады.

6-6-6 жаттығуы – 2025 жылдың жаңа фитнес-тренді. Ол күнделікті жаяу серуендеуге негізделген. Бұл тәсіл арнайы құрал-жабдықтарды қажет етпейді және күнделікті графикке оңай үйлеседі, сондықтан ол көпшілік үшін тартымды. Бағдарламаның мәні келесідей.

Серуен уақыты: 60 минуттық жаяу серуен. Ыңғайлы уақытты өзіңіз таңдайсыз. Таңғы 6:00 немесе кешкі 18:00.

Жаттығу алдындағы дене қыздыру: Негізгі жаттығудан бұрын 6 минуттық жеңіл серуен.

Жалпы жаттығудан кейінгі тынығу: Жүктемені біртіндеп азайту үшін негізгі жаттығудан кейін 6 минуттық жай серуендеу.

Артықшылықтары

Жүрек-қантамыр жүйесінің жақсаруы: Үнемі серуендеу жүрек пен қан тамырларын нығайтып, жүрек ауруларының тәуекелін төмендетеді.

Салмақ жоғалту: Сағаттық серуендеу калорияларды жағуға көмектеседі. Егер дұрыс теңдестірілген диетаны ұстансаңыз, екеуі қосылып салмақ жоғалтуға ықпал етеді.

Қандағы қант деңгейін тұрақтандыру: Физикалық белсенділік инсулинге сезімталдықты жақсартады, қандағы глюкоза деңгейін бақылауға көмектеседі.

Көңіл күйдің жақсаруы: Ашық ауада серуендеу эндорфиндердің бөлінуіне ықпал етеді, стресс деңгейін төмендетеді және жалпы денсаулықты жақсартады.

Буындарды қолдау: Жаяу жүру — төмен интенсивті жүктеме, ол буындардың айналасындағы бұлшықеттерді нығайтып, оларды ауыртпалықсыз жаттықтырады.

Энергия деңгейін көтеру: Үнемі белсенділік қан айналымын жақсартады және денеге оттегінің жеткізілуін арттырады, бұл энергия деңгейін жоғарылатады.

Қалай бастау керек?

Уақытты таңдау: Таңертең немесе кешке серуендеуге ең қолайлы уақытты анықтаңыз.

Дайындық: Қолайлы аяқ киім мен ауа райына сәйкес киім киіңіз.

Жүктемені біртіндеп арттыру: Егер сіз жаңадан бастасаңыз, қысқа серуендерден бастап, олардың ұзақтығын 60 минутқа дейін біртіндеп арттырыңыз.

Өз ағзаңызды тыңдаңыз: Өз сезімдеріңізге назар аударып, қажет болса жаттығулардың интенсивтілігі мен ұзақтығын реттеңіз.

6-6-6 жаттығуы — бұл физикалық және психикалық денсаулықты жақсартудың қарапайым әрі тиімді тәсілі.

Дүниежүзілік денсаулық сақтау ұйымы ересектерге аптасына кемінде 150 минут орташа физикалық белсенділікпен айналысуға кеңес береді. Бұл шамаға 6-6-6 бағдарламасын ұстану арқылы оңай қол жеткізуге болады.

Аударған: А, Бектұрғанова,

ERNUR.KZ