Күн сайын 5 минут «нәресте» болыңыз

04.12.2025 21:40

125

Йогадағы «Баласана» немесе «Нәресте» күйі – денені қалпына келтіретін, жүйке жүйесін тыныштандыратын ең қауіпсіз жолдардың бірі. Көптеген йога сабақтарында оны демалу, тыныс реттеу және белді босату үшін қолданады. Баласана позасының пайдасы сан алуан.

1. Бел және омыртқа кернеуін босатады. Белдегі қысымды азайтады. Омыртқааралық бұлшықеттерді босаңсытады. Әсіресе ұзақ уақыт бір орында тапжылмай отырғаннан кейін осы қалыпты жасап жіберсе, өте пайдалы.

2. Жамбас пен сан бұлшықеттерін релаксациялайды. Жамбас буынын жұмсартады, санның артқы бөлігін жеңіл созады.

3. Жүйке жүйесін тыныштандырады. Стресті азайтып, пихоэмоциялық күйді теңестіреді. Ұйқы сапасын жақсартуға көмектеседі.

4. Тыныс алуды реттейді. Терең, баяу тыныс алуды қалыптастырады. Кеуде мен арқа аймақтарының кеңеюіне көмектеседі.

5. Асқазан-ішек жүйесіне жағымды әсер етеді. Іш аймағын жеңіл уқалау әсерін беріп, қанайналымды жақсартады. Толғақ, іштің түйілуі сияқты табиғи кернеулерді жеңілдетеді

6. Жүктілік кезіндегі жеңіл шаршауды басады. Белді босатады, демді реттейді. Бірақ тек қана дәрігердің рұқсатымен жасау керек. Онда да ішке қысым түспейтін нұсқасын орындау қажет.

Орындау техникасы

Жаттығу кілемшесінің үстіне тізерлеп отырыңыз. Арнайы кілемше болмаған жағдайда тегіс еденге қатты да емес, тым жұмсақ та емес болуы үшін жұқа кілемше, жапқыш, сүлгі, т.с.с. төсеуге болады.
Башпайды еденге тіремей, табанды жоғары қаратып толық жатқызамыз. Сосын бөксені өкшеге қарай бағыттап отыру қажет.
Екі тізені қосып ұстауға немесе арасын аздап ашуға болады (өз ыңғайыңызға қарай).
Терең тыныс алыңыз да, демді шығара отырып, денені алға еңкейтіңіз. Маңдайды жерге тіреңіз.
Қолды екі нұсқада орналастыруға болады. Алға созу (арқа жақсы созылады) немесе дненің бойымен артқа жіберу (дене толығымен босаңсиды).
Назар аударыңыз! Бөксе міндетті түрде өкшеге жетуі шарт емес. Шамасы жеткенше жақындатыңыз. Тыныс баяу және терең болуы керек. Арқа, мойын және іш аймағы қысылмауы тиіс.
Енді осы қалыптан қажетті уақыт межесіне жеткенше қозғалмайсыз.
Жаңадан бастаушыларға 30 секунд – 1 минут аралығы жеткілікті. Тәжірибелі орындаушылар 1–3 минутқа созуына болады. Терең релаксация, медитация немесе қалпына келтіру үшін 3–5 минут, қажет болса 10 минутқа дейін ұстау да қауіпті емес. Ең бастысы, тыныс еркін болуы, арқада немесе тізеде ауырсыну болмауы керек.

Сақ болу керек жағдайлар: