Келесі жылы айлық есептік көрсеткіш 2021 жылғы АЕК-пен салыстырғанда 146 теңгеге өседі.
ERNUR.KZ. Қазақстанда айлық есептік көрсеткіш мөлшерін 3063 теңге (7,2 доллар) деңгейінде белгілеу ұсынылды. Ашық НҚА порталында жарияланған "2022-2024 жылдарға арналған республикалық бюджет туралы" заң жобасында АЕК осындай көлемде қарастырылған, деп жазады sputnik.kz.
"2022 жылдың 1 қаңтарынан бастап жәрдемақылар мен басқа да әлеуметтік төлемдерді есептеу, сондай-ақ Қазақстан Республикасының заңнамасына сәйкес айыппұлдарды, салықтарды және басқа да төлемдерді қолдану үшін айлық есептік көрсеткіш 3 063 теңге болып белгіленсін", - делінген жоба мәтінінде.
2021 жылы АЕК 2917 теңгеге тең болды. Егер заң жобасы қабылданса, оның көлемі 2022 жылы 146 теңгеге артады.
Қазақстанда АЕК жәрдемақылар мен басқа да әлеуметтік төлемдерді, сондай -ақ республика заңнамасына сәйкес айыппұлдарды, салықтарды және басқа төлемдерді есептеу үшін қолданылады.
Еңбек министрлігі президенттің 2021 жылдың 1 қыркүйегіндегі "Халық бірлігі және жүйелі реформалар – ел өркендеуінің берік негізі" жолдауына сәйкес үкіметке 2022 жылдың 1 қаңтарынан бастап ең төменгі жалақыны қазіргі 42 500-ден (100 доллар) 60 000 теңгеге (141 доллар) дейін көтеру тапсырылғанын хабарлады.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
