Алматы-Мәскеу пойызы қайтарылуы мүмкін бе? Көлік министрлігі жауап берді

20.10.2024 14:19

1 197

Көлік министрлігі Ақтөбе-Мәскеу пойызының жүруіне қатысты сұраққа пікір білдірді.

Фото:Tengrinews.kz / Турар Казангапов

ERNUR.KZ. Мәскеу пойызының бағытын қайтару жоспарланып отыр ма? Көлік министрлігі жауап берді, деп жазады tengrinews.kz.

Ведомство Ресей темір жолымен келіссөз жүргізіліп жатқанын мәлімдеді.

"Алматы-Мәскеу пойызының жүруіне қатысты. Жолаушыларды Алматыдан Мәскеуге дейін тасымалдауды қамтамасыз ету үшін No7/8 Алматы- –Саратов жедел пойызының бағытын Мәскеу станциясына дейін ұзарту бойынша Ресей темір жолымен жұмыс жүргізіліп жатыр", - деп хабарлады ведомстводан.

Сондай-ақ, Көлік министрлігі Ақтөбе-Мәскеу пойызының жүруіне қатысты сұраққа да пікір білдірді.

"Алматы-Мәскеу N 7/8 жедел пойызының бағытын жоспарланып отырған қайта бастауға байланысты: Ақтөбе-Мәскеу пойызын ұйымдастыру жоспарланбаған", - делінген ведомствоның жауабында.