Алматы облысында марқұм науқаспен байланыста болған екі адам карантинге алынды

ERNUR.KZ. Алматы облысында коронавирустан қайтыс болған ақмолалық әйелмен байланыста болған екі адам анықталды, деп жазады zakon.kz.

Біздің өңірде марқұм әйелмен байланыста болған екі адам бар. Қазір олар оқшауланды. Талдау жүргізілді, кешке нәтижесі шығады, - деді Алматы облысы әкімінің баспасөз хатшысы Ғалымұрат Жукел.

Сонымен қатар, бұл екі адаммен байланысқан тағы бес адам анықталды. Олар да бақылауға алынды.

Нәтижелері белгілі болғаннан кейін жарияланады.

Бұған дейін коронавирустан қайтыс болған 64 жастағы әйел 13 және 17 наурыз аралығында Алматы мен Шу қалаларына қонаққа барғаны хабарланған болатын.