Жаңа камераларадың ерекшелігі – жоғары дәлдік пен сапалы суреттер.
ERNUR.KZ. Алматы облысында жол қозғалысын бақылайтын "SUNQAR" аппараттық-бағдарламалық кешендері іске қосылды, деп жазады sputnik.kz.
Жаңа камераларадың ерекшелігі – жоғары дәлдік пен сапалы суреттер. Ал интеграцияланған жасанды интеллект нақты уақыт режимінде деректерді талдайды және тәртіп бұзушылықтарды анықтайды.
"Камера өзінің есептеу қуатын пайдаланып, бұзушылықтарды тіркейді, содан кейін айыппұл салу туралы шешім қабылдау үшін материалдарды автоматты түрде құзыретті органдарға жібереді. Кешеннің басты ерекшеліктерінің бірі - түнгі уақытта да сапалы суретке түсіруге мүмкіндік беретін қуатты инфрақызыл прожектордың болуы", - дейді полицейлер.
Жаңа камералар тіркейтін заң бұзушылықтар:
- қозғалыс кезінде ұялы телефонды пайдалану;
- сыртқы жарық құралдарын дұрыс пайдаланбау;
- жаяу жүргіншілерге арналған жолдардан өтпеуі;
- белгіленген жылдамдықтан асып кету;
- қиылыстардың алдында сызықты кесіп өту;
- көлiктерді тоқтату немесе тоқтап тұру қағидаларын бұзу;
- бағдаршамның тыйым салынған сигналына өту;
- бөлінген жолақтар бойынша қозғалыс.
