Бүгіннен бастап Мемлекет басшысының тапсырмасы бойынша жоғары оқу орындары студенттерінің шәкіртақысы 20%-ға, магистранттар мен докторанттардың шәкіртақысы 15%-ға өседі.
ERNUR.KZ. Ғылым және жоғары білім министрі Саясат Нұрбек көпшілікті білім күнімен құттықтап, жаңа оқу жылындағы басты жаңалыққа тоқталды, деп жазады ulysmedia.kz.
“Баршаңызды 2022-2023 оқу жылының басталуымен құттықтаймын!
Жаңа оқу жылы мектеп табалдырығын енді аттағалы тұрған 1 сынып оқушылары мен жоғары оқу орындарына арман қуып келген 1 курс студенттері үшін сәтті өтсін! Сіздерді жарқын болашақ, биік белестер күтіп тұр. Сабақтарыңызды жақсы оқып, ғылым, спорт және шығармашылық салаларында мол табыстарға кенеле беріңіздер.
Айта кетейін, Ғылым және жоғары білім министрлігінің жаңа оқу жылына жоспары көп. Оларды жүзеге асыру жұмыстары басталып кетті.
Естеріңізге сала кетсем, бүгіннен бастап Мемлекет басшысының тапсырмасы бойынша жоғары оқу орындары студенттерінің шәкіртақысы 20%-ға, магистранттар мен докторанттардың шәкіртақысы 15%-ға өседі. Біздің ұжым сапалы білім мен дұрыс кәсіби бағдар үшін аянбай еңбек етуге дайын.
Оқуда озат, еңбекте адал болыңыздар. Биік шыңдарды бірге бағындырайық!”, – деп жазды министр.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
