Елімізде ең төменгі жалақы деңгейі ұлғайтылады

Қазақстанда ең төменгі жалақыны кезең-кезеңімен ұлғайтуға мүмкіндік беретін жаңа әдістеме әзірленеді. Бұл туралы Президент Қасым-Жомарт Тоқаев Жолдауында мәлімдеді, деп хабарлайды ERNUR.KZ.

"Мемлекет ең төменгі жалақыны анықтаудың жаңа әдістемесін енгізеді, ол оның мөлшерін біртіндеп арттырады. Мен ең төменгі жалақыны 60-тан 70 мың теңгеге дейін көтеру туралы шешім қабылдадым", - деді Тоқаев Қазақстан халқына жолдауында.

Ол мұндай шара 1,8 млн азаматтың кірісіне тікелей әсер ететінін атап өтті.