Ведомство өкілі сонымен қатар медициналық анықтамаларды цифрландыруда айтарлықтай ілгерілеушілікті атап өтті.
ERNUR.KZ. Бұл туралы Денсаулық сақтау вице-министрі Ербол Оспанов Орталық коммуникациялар қызметінің алаңында өткен баспасөз мәслихатында мәлімдеді, деп жазады baq.kz.
Айтуынша, министрлік медицина қызметкерлеріне әкімшілік жүктемені азайту бойынша белсенді жұмыс жүргізіп жатыр.
Бұрын дәрігерлер бірнеше ақпараттық жүйелерді қолдануға және бірдей деректерді қайталауға мәжбүр болды. Интеграция мен пысықтаудың арқасында ДКК дәрігерлерге жүктемені 40%-ға қысқартуға қол жеткізді. Ал 2025 жылы бұл көрсеткішті 50%-ға дейін жеткізу жоспарлануда, - деп атап өтті вице-министр.
Ведомство өкілі сонымен қатар медициналық анықтамаларды цифрландыруда айтарлықтай ілгерілеушілікті атап өтті.
Мысалы, жүргізуші комиссиясының анықтамалары, медициналық қарап-тексеруден өту, баланың денсаулық паспорты және ДКК қорытындысы енді электрондық форматта қолжетімді. Бұл емханаға жеке бару қажеттілігін жояды, жалғандық қаупін азайтады және азаматтардың уақытын үнемдейді, - деп түсіндірді Ербол Оспанов.
![Қазіргі балаларға](/assets/thumbnails/ee/ee2390262dd84857ada1bc83c3e29950.jpg "Қазіргі балаларға "өтпейтін" тәрбие тәсілдері")
