Қасым-Жомарт Тоқаев Ақордада Владимир Путинді қарсы алды

0
77

Қарсы алу рәсімі салтанатты рәсімдер залында Құрмет қарауылының сап түзеуінен басталды.


Қасым-Жомарт Тоқаев Ақордада Владимир Путинді қарсы алды

Фото: Ақорда

Мемлекет басшысы Қасым-Жомарт Тоқаев Ақордада Қазақстанға мемлекеттік сапармен келген Ресей Президенті Владимир Путинді қарсы алды, деп хабарлайды ERNUR.KZ.

Қарсы алу рәсімі салтанатты рәсімдер залында Құрмет қарауылының сап түзеуінен басталды.

Қарауыл бастығы Мемлекет басшысы мен мәртебелі мейманға баянат берді. Осыдан кейін Президент оркестрі екі елдің әнұранын орындады.

Одан әрі Владимир Путин мен Қасым-Жомарт Тоқаев кілемше бойымен Қазақстан Республикасының Мемлекеттік туына қарай жүрді.

Оның алдына келгенде мейман тоқтап, басын иіп, ілтипат білдірді.

Бұдан кейін екі ел басшылары Құрметті қарауыл сапының бойымен жүріп өтті. Ресей президенті Құрметті қарауыл бастығымен қоштасып, Қ.Тоқаевпен кездесуге өтті.

Жоғары деңгейдегі келіссөздерден кейін мемлекет басшылары Қазақстан мен Ресейдің ХХ Өңіраралық ынтымақтастық форумына бейнеконференция режимі арқылы қатысады.

28 қараша күні Қазақстан Президенті Қасым-Жомарт Тоқаевтың төрағалығымен ҰҚШҰ Ұжымдық қауіпсіздік кеңесінің кезекті сессиясы өтеді. Жиында аймақтық және халықаралық қауіпсіздіктің негізгі мәселелері талқыланады. Отырыс қорытындысы бойынша бірқатар құжатқа қол қойылады.