Kazakh Tourism-нің мәліметінше, таңдалған бұл ауылдар елімізді БҰҰ Дүниежүзілік туристік ұйымының жыл сайынғы халықаралық конкурсында — UN Tourism Best Tourism Village байқауында таныстырады.
ERNUR.KZ. Қазақстандағы 2025 жылы үздік туристік ауылдар анықталды. Бұл ауылдар енді халықаралық конкурста таныстырылады, деп жазады Stan.kz.
Kazakh Tourism-нің мәліметінше, таңдалған бұл ауылдар елімізді БҰҰ Дүниежүзілік туристік ұйымының жыл сайынғы халықаралық конкурсында — UN Tourism Best Tourism Village байқауында таныстырады.
Үздік ауылдарды анықтау кезінде мәдениет пен табиғатқа, сондай-ақ ауылдардағы дәстүрлі іс-шаралардың қаншалықты жақсы сақталғанына назар аударылған. Одан бөлек, жаңа маршруттар мен туризмге қызығушылық танытатын саяхатшылардың көптігі де есептелді.
Сонымен Қазақстандағы туристер үшін ең үздік ауылдар:
- Лепсі (Жетісу облысы, Алакөл ауданы);
- Нағи Ілиясов (Қызылорда облысы, Сарыдария ауданы);
- Хан Ордасы (Батыс Қазақстан облысы, Бөкей ордасы ауданы);
- Көлденең (Шығыс Қазақстан облысы, Риддер ауданы);
- Шабанбай би (Қарағанды облысы, Ақтоғай ауданы).
2023 жылы Best Tourism Village by UNWTO сыйлығымен халықаралық деңгейдегі ең үздік туристік ауыл ретінде Алматы облысындағы Саты ауылы марапатталған еді.
