Жаңа көлік мініп, алайда көп ұзамай сан соғып қалғандар саны артып келеді.
Фото: Ru.freepik.com
ERNUR.KZ. Сауда министрлігі қазірге дейін көлік сататын автосалондардың пайдасына жұмыс істеп келген заңға өзгерістер енгізбек. Өзгерістер қабылданса, қазақстандықтар су жаңа темір тұлпарынан ақау шықса оны қайтарып немесе ауыстыра алады, деп жазады stan.kz.
Жаңа көлік мініп, алайда көп ұзамай сан соғып қалғандар саны артып келеді. Былтыр 144 адам сапасыз көлікке шағымданған. Оның 57-сі қытайлық көлік сатып алғандар. Кейбірі жүргізбей жатып бұзылса, енді бірі уәде етілген сапаға сай келмейді. Осылайша 58 тұтынушыға 810 миллион теңге қайтарылған.
Тұтынушы арыздарының артуының себебі бар. 2021 жылы қабылданған зағ қазірге дейін халықтың емес, кәсіпкерлердің мүддесін қорғап келді. Заңға "техникалық күрделі тауарлар" деген санат енгізілді. Бұлардың қатарында көлік те бар. Яғни көліктегі ақау тек адам өміріне зиянын тигізсе ғана темір тұлпарды қайта айырбастауға болады. Егер ақау аса қауіпті болмаса оны қайтару немесе ауыстыру мүмкін емес.
“2021 жылы желтоқсан айындағы өзгерістер бойынша сіз мына креслода қандайда бір кемшілік болса көлікті қайтара алмайсыз. Оны тек жөндеп бере алады. Ал жаңа заң жобасы болашақта қабылданған кезде сізде көлікті қайтару мүмкіндігі болады”, – дейді сауда және интеграция министрлігі Тұтынушылардың құқықтарын қорғау комитеті төрағасының орынбасары Серік Құсайынов.
Егер аталған өзгерістер қолданысқа енсе, халық сапасын сын көтермей, ақау шыққан көлігін еш кедергісіз қайтарып, ауыстыра алады.
![](/assets/thumbnails/a8/a8f3e09d9ef1ff0432031725a008ab62.jpg ""Бұл өнерді жалғастыру үшін махаббат, құштарлық қажет" - Нұрғали Темірұлы, зергер")
![Арайлым Рахымқызы, әнші:](/assets/thumbnails/2b/2bfc53a74e745e5777a86ccabae9c634.jpg "Арайлым Рахымқызы, әнші: "Біз өзіміз үйренген өнерді келер буынға бұзбай жеткізуіміз керек"")
