ҚМДБ мешітте балаларға аяғын уқалатқан имамға ескерту жасады

13.03.2025 14:39

247

Оқиға Сарыағаш ауданындағы мешітте болған.

Фото: Видеодан скриншот

ERNUR.KZ. Түркістан облысында мешітте балаларға аяғын уқалатқан имам көпшіліктің ашуын келтірген еді. Бүгін ҚМДБ аталған оқиғаға қатысты мәлімдеме жасады, деп жазады inform.kz.

Діни басқарманың баспасөз хатшысы Ағабек Қонарбайұлы Facebook-тегі парақшасында мәлімдемені жариялап, құлшылық үйіне келген адам мешіт әдебін сақтауы тиіс екенін атап өтті.

— Мешіт — құлшылық үйі, жамағат жиналатын рухани орда, қасиетті мекен, тәрбие орны. Құлшылық үйіне келген адам мешіт әдебін сақтауы тиіс. Бұл — мұсылманның көркем мінезінің бір.Түркістан облысы Сарыағаш ауданындағы мешітте болған оқиға әлеуметтік желілерде тарап, қоғамның түрлі пікір қайшылығын тудырды. Осыған орай Қазақстан мұсылмандары діни басқармасы қасиетті орында қоғам наразылығын тудырған әрекетке жол бергені үшін мешіт имамына ескерту жасады. Қазақстан мұсылмандары діни басқармасы еліміздегі барша мұсылман жамағатын құлшылық үйлерінде дауыс көтеріп сөйлемеуге, әдепсіз әрекеттерге жол бермеуге, ұрыс-керіс жасамауға шақырады. Жамағатты барынша мешіт әдебін сақтауға үндейміз, — деп жазды ол.

Еске салсақ, аталған оқиға Сарыағаш ауданындағы мешітте болған. Онда уағыз айтып отырған ақсақалдың аяғын 3 бала уқалап отырғанын көруге болады. Жариялымға пікір білдірушілердің басым бөлігі мешітке келген балаларға бейәдеп тірлік жасатқан қарияны кінәлауда.