Студенттер тамақтанған асхана тексеруден өтті.
ERNUR.KZ. Рудный қаласында 14 студент "жедел гастроэнтерит" диагнозымен ауруханаға жатқызылды. Зардап шеккендердің жағдайы тұрақты, орташа ауырдәрежеде, деп жазады sputnik.kz.
Санитарлық-эпидемиологиялық бақылау комитеті жедел ішек инфекциясы белгілерімен 35 студент медициналық көмекке жүгінгенін, олардың 14-і "жедел гастроэнтерит" диагнозымен ауруханаға жатқызылғанын, қалғандарына амбулаторлық ем тағайындалғанын хабарлады (олар түскен кезде жүрегі айнып, құсқанын, іші өткенін айтқан).
Комитеттің Қостанай облысы бойынша департаменті "S_SALTA" ЖШС жеке компаниясы жалға алған асхананы жоспардан тыс тексеруді бастады.
"Тексеріс барысында тамақ өнімдерінен, судан сынамалар алынып, қызметкерлер тексерілді. Мамандар эпидемияға қарсы шараларды жүргізіп жатыр", - деп хабарлады комитет.
Бұған дейін білім және ғылым министрі Асхат Аймағамбетов Рудный тау-кен және технология колледжінде студенттердің жаппай улануына қатысты пікір білдірген болатын. Ол мәселенің басын ашып, тексеріс жүргізу керек деді.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
