Жамбыл облысында инфекция жұқтырған 10 бала ауруханаға түсті

18.03.2025 11:48

261

9 балада ішек инфекциясы, 1 балада энтеровирусты инфекция анықталды.

фото: Пресс-служба министерства здравоохранения Казахстана

ERNUR.KZ. Жамбыл облысы, Меркі аудандық орталық ауруханасының жұқпалы аурулар бөліміне 10 бала түскен. Біреуі жансақтау бөлімінде жатыр, деп жазады sputnik.kz.

Ауруханаға түскен балалар - Меркідегі "Нұрай" мектепке дейінгі білім беру орталығының тәрбиеленушілері.

"Балалардың тоғызында ішек, біреуінде энтеровирустық инфекция анықталған. Орталықтың жұмысы 2 күнге тоқтатылды. Қазір дезинфекция жұмыстары жүргізіліп жатыр", - дейді Жамбыл облысы әкімдігі.

Қазіргі кезде 1 жасөспірім жансақтау бөлімінде, жағдайы бірқалыпты.

Аурудың неден шыққаны анықталып жатыр. Құзырлы органның тексеру қорытындысы бойынша тиісті шешімдер қабылданатын болады.