ШЫМКЕНТ: Қала күні қарсаңында ауыл шаруашылығы өнімдерінің жәрмеңкесі өтті

0
974

Жәрмеңкеге Шымкенттегі тауар өндірушілермен қатар Түркістан облысының көрші аудандарынан ауыл шаруашылығы өнімдерін өндірушілер, дихандар мен шаруалар қатысты.


ШЫМКЕНТ: Қала күні қарсаңында ауыл шаруашылығы өнімдерінің жәрмеңкесі өтті

Үшінші мегаполисте ауыл шаруашылығы өнімдерінің жәрмеңкесі ұйымдастырылды, деп хабарлайды ERNUR.KZ.

Бұл жолғы іс-шара қала күніне арналып, ауқымды түрде өткізілді.

Жәрмеңкеге Шымкенттегі тауар өндірушілермен қатар Түркістан облысының көрші аудандарынан ауыл шаруашылығы өнімдерін өндірушілер, дихандар мен шаруалар қатысты.
– Дәстүрлі жәрмеңкеге 200-ге жуық кәсіпкер қатысуда. Олар өз өнімдерін базар нарқынан 10-15 пайызға төмен сатуда. Жалпы көлемі 100 тоннадан астам өнім ұсынылған, – деді Шымкент қалалық ауыл шаруашылығы және ветеринария басқармасының азық-түлік қауіпсіздігін қамтамасыз ету бөлімінің басшысы Жандос Ханаев.
Айта кетейік, жәрмеңкеде құмшекер де сатылуда. Жалпы салмағы 4 тонна шекер әр адамға бес келіге дейін, келісі 480 теңгеден босатылуда.