ERNUR.KZ. Сайрам ауданының әкімі Арман Сабитов 8 наурыз – Халықаралық әйелдер күні мерекесі қарсаңында аудандағы ғасыр жасаған кейуаналардың шаңырағына барып, мерекемен құттықтады. Алдымен Ақбұлақ ауылдық округінде болған аудан басшысы 102-ге келген Қызылкүл Қуандықованы мерекемен құттықтап, иығына ақ жаулық жапты. Аудан әкімі бүгінде немерелері мен шөберелерінің ортасында бақытты әже атанып отырған абыз анаға мықты денсаулық тіледі.
Сонымен қатар аудан әкімі Жібек жолы ауылдық округіне қарасты Машат елді мекенінің тұрғыны 101 жастағы Тұрсын Сағынбекованы мерекемен арнайы құттықтап, сыйлықтарын табыстады. Аудан әкімі жауаптыларға жүзден асқан қарттарға үнемі медициналық көмек көрсетіп, дәрі-дәрмекпен қамтамасыз ету, отбасылық жағдайын жиі қадағалап, оларға үнемі қолдау көрсетуді жүктеді.
Осы күні мерекеге орай Сайрам ауданында «Анамның ақ жаулығы» тақырыбында мерекелік концерттік бағдарлама ұйымдастырылды. Мерекелік іс-шарада аудан әкімі Арман Сабитұлы әйелдер қауымын шуақты мерекемен құттықтады.
Салтанатты шарада түрлі салада белсенділігімен, адал еңбегімен көзге түскен қыз-келіншектер аудан әкімінің алғыс хатымен марапатталды.
![](/assets/thumbnails/96/96b2c9126416d9958904712a35ba6d2f.jpg ""Анам күнде кешірім сұрайды": қайтыс боп кеткен атасын кешіре алмаған қыз оның қатыгездігін айтып берді")
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
