ЖАҢАРУ КҮНІ: Түлкібаста 11 мың түптен астам ағаш егілді

Түлкібас ауданында көгалдандыру жұмыстары жоғарғы деңгейде атқарылуда, деп хабарлайды ERNUR.KZ.

Түлкібас ауданында көктемгі тазалық жұмыстармен қатар көгалдандыру жұмыстары да жоғарғы деңгейде атқарылуда. Осы ретте, бүгін жоспарға сай наурызнаманың онкүндігінің «Жаңару күніне орай» аудан аумағында сенбілік жұмыстары ұйымдастырылып, 11 мыңнан астам ағаш көшеті егілді.

Дәл сондай, көшет егу жұмыстары жүріп жатқан «Дәрігерлер» және «Ана мен бала» аллеясына аудан әкімі Асқар Естібаев аудандық ардагерлер кеңесінің төрағасы Сәтбай Қасымбек бастаған бір топ ардагерлермен арнайы барып, көктемгі ағаш егу шарасына қатысты.

«Атадан мал қалғанша, тал қалсын» – демекші, ағаш егу шарасынан соң, ақсақалдар игі іске мұрындық болған жандарды Наурыз мерекесімен құттықтап, ақ баталарын берді.