​Йоганың қандай пайдасы бар?

0
4 601

Білесіз бе?


​Йоганың қандай пайдасы бар?

фото: blog.zulily.com

Йога – қыз-келiншектердiң жалпы нәзiкжандылардың сымбатын сымдай ететiнi даусыз. Йогамен айналысатындардың дене бiтiмi де, сырт келбетi де өте тартымды, сүйкiмдi келедi. Әсiресе йога жаттығулары нәзiкжандылардың сырт пiшiнiн әсемдеп, тартымды ете түсетiнi сөзсiз. Үй жағдайында жасауға болатын йога жаттығуларымен кез келген әйел айналыса алады. Сонымен бiрге өз мүсiнiн қалыпқа келтiрiп, ойдағыдай нәтижеге қол жеткiзуге болатынын айтқымыз келедi. Олай болса, сiзде қарап отырмай жаттығуды бастаңыз!


1-жаттығу: Алға қарай еңкею

Жаттығуды бастамас бұрын орныңыздан тiк тұрыңыз. Тiзенi сәл ғана бүгiңiз. Ендi қолды алға қарай созып, еңкеюге тырысуыңыз керек. Көкiректi бөксеге қарай, ал, басты санға қарай тартуға тырысыңыз. Қолды табанның астына қойып, дененi аяққа барынша жақындатқан дұрыс. Жаттығуды тек ары қарай жасауға мүмкiндiгiңiз қалмағанда ғана тоқтатыңыз. Жай қимылмен денеңiздi көтерiп, бойыңызды тiктеңiз. Осы қалыппен тұрғанда 5-8 рет терең тыныс алыңыз.


2-жаттығу: Отырып жаттығу

Орныңыздан тұрып, аяқтың арасын мына қалыппен ашасыз: бас бармақты бiрiктiрiп, ал, өкшелердiң арасын ашып ұстайсыз. Сосын тiзенi бүгiп, алға қарай шамалы еңкейесiз. Осындай қалыппен отырып-тұру жаттығуын жасайсыз. Отырған уақытта iшiңiзден 30-ға дейiн санап сосын орныңыздан тұрыңыз. Бiрақ та тек орындыққа отырғандай қалыпта ғана бөксенi төмен түсiру керек. Жаттығудың нәтижесi сонда байқалады. Жаттығуды 30 рет қайталайды.


3-жаттығу: Терең тыныс алу

Орныңыздан тiк тұрып, аяғыңыздың арасын ашасыз. Кейiннен сол аяқты артқа қарай қойып, қолды екi жаққа жазасыз да, дененi алға қарай еңкейтесiз. Сонда арқа мен сол аяқ бiр сызықтың бойында жатуы тиiс. Жаттығу ережесi бойынша осы қалыппен 5 рет терең тыныс алғанша тұрады. Аяқты ауыстырып жаттығуды жалғастыра бересiз.

фото: sportishka.com


4-жаттығу: Айналып қозғалу

Қолды көкiрекке жинап ұстаңыз. Ал, сол аяқты артқа қарай созасыз. Оң аяқпен тiк бұрыш жасай алға созу керек. Сөйтiп дененi оңға қарай бұрып, оң қолдың шынтағын жоғарыға көтерiңiз. Бұл жаттығуда да дәл осылай 5-8 рет терең тыныс алғанша шыдап тұрған жөн. Артынша бастапқы қалыпқа келiп, жаттығуды келесi аяқпен жалғастыруға болады.


5-жаттығу: Мостикке тұру

Арқаңызды еденге тигiзiп, шалқалап жатыңыз. Ал, табанды еденге тiрейсiз. Қолды да жерге тiреп, дененi көтере бастайсыз. Сонда қол мен аяқтар сiздiң тiреуiшiңiз болу керек. Жаттығуды 5-8 рет терең тыныс алғанша жалғастырып, қателiкке жол бермеңiз. Жаттығуды аяқтаған соң, қайтадан бастапқы қалыпқа келiп, ары қарай жалғастыра бересiз. Сонда сiз бөксе бұлшықеттерiнiң қаншалықты тартылғанын сезiнесiз.


6-жаттығу: Жатып жаттығыңыз

Кiлемшенiң үстiне шалқалап жатып, қолды жаныңызға қоясыз. Тiзенi бүгiп, қарынға қарай жақындата түсiңiз. Алдымен табанды еденнен көтерiп, кейiннен бөксенi жаймен жоғары көтеруге тырысады. Осылайша аяқты жоғарыға барынша көтеру керек. Аяқты тiк ұстап, сосын басыңызға жақындатасыз. Ендi арқаны қолмен тiреп, қайтадан аяқты жоғарыға көтересiз. Барынша тартылып, 30 секунд тұрғаннан кейiн аяқты төмен түсiруге болады. Жаттығуды 5-8 рет қайталаған дұрыс.


Дереккөз: sport-rb.ru


Л.АХМЕТОВА,

ERNUR.KZ


Тағы оқыңыз:


Аязда денеңізді жылыту үшін жаттығу жасаңыз


Ота жасатқандарға қандай жаттығумен айналысу керек?