Астанада оқу жылы өз уақытында басталады

0
482

8-13 қыркүйекте Астанада V дүниежүзілік көшпенділер ойындары өтеді.


Астанада оқу жылы өз уақытында басталады

ERNUR.KZ. Астаданада студенттер мен оқушылар үшін оқу жылы өз уақытында басталады, деп жазады sputnik.kz.

Бұған дейін Астанада дүниежүзілік көшпенділер ойындарының өтуіне байланысты оқу жылының басталу уақыты өзгеруі мүмкін екені айтылған болатын. Бұл қалалық трафиктің жүктемені азайту үшін жоспарланған.
"Білім және ғылым министрлігі талқылайтын тағы бір нұсқа – "Қабанбай батыр және Тұран даңғылдарындағы мектептерді онлайн оқыту форматына көшіру", - деген болатын туризм және спорт вице-министрі Серік Жарасбаев.
Бүгін қалалық әкімдік оқу жылы штаттық режимде 1 қыркүйектен басталатынын мәлімдеді.
“Жаңа оқу жылы (мектеп оқушылары, студенттер) штаттық режимде 1 қыркүйек күні басталады. Дүниежүзілік көшпенділер ойындарының өтуіне байланысты жазғы демалыс ұзартылмайды”, - деп хабарлады ведомство.
Еске сала кетейік, 8-13 қыркүйекте Астанада V дүниежүзілік көшпенділер ойындары өтеді. 21 спорт түрінен 85-тен астам елдің қатысушылары бақ сынайды.