"Қызғаныш себеп болған": Шымкентте төбелес соңы қайғылы оқиғамен аяқталды

0
666

Күдікті уақытша ұстау изоляторына қамалды.


иллюстрациялық сурет: ашық дереккөзден

Шымкент қаласында тапа-тал түсте ер кісіні пышақтап кетті, деп хабарлайды ERNUR.KZ.

Бұл туралы Шымкент қаласы полиция департаментінің баспасөз қызметі мәлімдеді.

Қайғылы оқиға 27 наурыз күні сағат 19:17 шамасында көшеде куәгерлердің көзінше болған. Сондай-ақ жантүршігерлік қайғылы оқиға бейнебақылау камерасына түсіп қалған. Жарақат алған адам оқиға орнында көз жұмған.

Полицияның мәліметінше, қатыгездікпен адам өлтіруге қызғаныш себеп болған.

"Аталған жайт бойынша полиция қызметкерлерімен ҚР ҚК-нің 99-бабымен "Адам өлтіру" қылмыстық іс тіркелді. Тиісті сараптамалар тағайындалды. Күдікті уақытша ұстау изоляторына қамалды", - делінген баспасөз хабарламасында.
Қазіргі таңда сотқа дейінгі тергеп-тексеру амалдары жүргізілуде.