Сіз жай ғана ТҰРАСЫЗ, ал іштегі МАЙ өздігінен ЕРИДІ

Артық салмағы барлардың көпшілігі үшін іш, құрсақ аймағы ең үлкен мәселелерінің бірі болады. Ондағы майды еріту, созылған теріні қайта жинау – қиынның қиыны. Бірақ, бірқатар құпияларын білсеңіз, бұл мәселенің шешімі аздап жеңілдейді.

Бүгін бөлісетін құпия – йоганың статикалық позалары. Олар іш бұлшықеттерін жақсы жұмыс істетеді, массаждық әсер береді және асқорыту жүйесінің жұмысына пайдасын тигізеді. Бұл позаларда сіз еш қиналмай, жай ғана тұрасыз. Ал іштегі майлар өздігінен еріп, тері тартыла береді.

1. Орындық позасы

Бұл поза орындау тұрғысынан өте қарапайым болып көрінгенімен, іш бұлшықеттерін өте жақсы жұмыс істетеді. Оны жаттығуды орындаған кезде анық сезінесіз. Сонымен қатар бұл жаттығуда іш, құрсақ бұлшықеттері массаждық әсер алып, метаболикалық процестерді жеделдетеді. Нәтижесінде асқорыту жүйесінің жұмысы жақсарады, артық су шығарылып, ісіну азаяды. Сонымен бірге, бұл позада біз төзімділікті дамытып, жамбастар мен аяқ бұлшықеттерін нығайтамыз.

Орындау үшін:

• Екі аяқтың арасын алшық (иық деңгейіне) қойып, тік тұрыңыз.
• Демді шығарғанда тізелеріңізді сәл бүгіп, жартылай отырыңыз.
• Демді ішке тартып, қолдарыңызды басыңыздан жоғары көтеріңіз.
• Арқаны түзу ұстаңыз.
• Позаны 3-4 тыныс алу циклі бойы сақтаңыз (1 тыныс алу циклі – 1 демалу және 1 дем шығару).
• Содан кейін бастапқы қалыпқа келіңіз. Жаттығуды тағы 3-4 рет қайталаңыз.

2. Күшік позасы

Бұл поза ішті тарту үшін ғана емес, сондай-ақ аз қозғалып, көп отыратын адамдар үшін де пайдалы. Ит позасы жамбас аймағындағы метаболикалық процестердің жылдамдығын белсенді түрде жақсартады. Бұл ерлер мен әйелдердің жыныстық саулығына пайдалы. Сонымен қатар, бұл поза күннің соңында ұйқыны жақсарту үшін жиі қолданылады. Себебі ол денені босатып, төменгі арқа және бел аймағындағы кернеуді азайтады.

Бұл қалып та іш аймағына массаждық әсер беретіндіктен, іш майының жануын жеделдетіп, метаболикалық процестерді арттырады. Ішті тартуға да ықпал етеді.

Орындау үшін:

• Еденге төрт тағандап тұрыңыз.
• Екі қол мен аяқтардың арасын аздап алшақ қойыңыз (иық деңгейінде).
• Осы қалыпта қолдарыңызды алға созып, кеудеңізбен еденге қарай еңкейіңіз. Жамбас сол қалпында қалады.
• Маңдайыңызды, иық және көкіректі жерге тигізіңіз.
• Осы позаны 3-4 тыныс алу циклі бойы сақтаңыз (1 тыныс алу циклі – 1 демалу және 1 дем шығару).
• Бастапқы қалыпқа келіп, екі-үш секунд демала отырып, позаны тағы 3-4 рет қайталаңыз.

3. Алға иілу позасы

Бұл позаны таңертең орындау өте пайдалы. Ол – сергітеді. Сонымен қатар дененің артқы бөлігінің созылымдылығын арттырады. Аяқтың артқы бұлшықеттері мен арқадағы кернеуді төмендетеді. Көп отырып, аз қозғалып, арқасында ауырсыну сезінетіндер үшін аса пайдалы. Массаждық әсердің арқасында метаболикалық процестер жақсарады, іш майының жануы жеделдейді, бұл іштің астындағы және висцеральды майларды да қамтиды.

Орындау реті:

• Тік тұрыңыз, аяқтарыңыз иық кеңдігінде.
• Демді баяу шығара отырып, алға қарай жаймен иіліңіз.
• Тізені бүкпестен, қолдарыңызды жерге жеткізуге тырысыңыз.
• Көкірек пен тізе бір-біріне тиіп тұрғаны абзал. Ол мүмкін болмаса, барынша жақындатуға тырысыңыз. Бірақ арқа, сан бұлшықеттерін ауыртпайтындай, жай ғана сезілетіндей болуға тиіс.
• Осы қалыпта тұрып терең тыныс аламыз.
• Егер аяғыңыздың артқы жағындағы бұлшықеттер қатты тартылғандай сезіліп, ауырсыну байқалса, тізені сәл бүгуге болады.
• Позаны 40-60 секунд бойы ұстаймыз.

Аударған: А. Мейірханқызы,

ERNUR.KZ