Артық салмақ қосылып жатқанда не жемеу керек?

фото-көрнекілік: pinterest.com

Салмағыңыз күннен-күнге ауырлап, мазаңыз қашып жүрген болса, уайымдамай қоя тұрыңыз. Алдымен мәселенің шешімін тауып, әрекет жасап көру керек. Ол үшін не жеу керектігін және қандай азық-түліктерді ас мәзіріне қосуға бомлайтынын біліп алыңыз. Шынында да сіз мұны білмейтін боларсыз?!

Шексіз жей беруге болатын азық-түліктер:

• Қырыққабат
• Қияр
• Сәбіз
• салат жапырағы
• аскөк, қызанақ
• болгар бұрышы
• кәді, баялды
• саңырауқұлақ
• қызылша
• минералды су
• көк бұршақ
• шалғам, саумалдық
• қантсыз, сүтсіз шай, кофе
• қанталмастырғыш қосылған сусындар.

Жоғарыда айтылған көкөністерді шикілей немесе қайнатып, пеште пісіріп жеуге болады.

Ас мәзірінде берілген мөлшерден асыруға болмайтын азық-түліктер:

• Майсыз ет пен балық
• сүт және қышқыл сүт өнімдері
• майлылығы 30 пайыздан аспайтын ірімшік
• 5% майлылы бар сүзбе
• Картоп пен жүгері
• Горох, фасоль, жасымық
• Жармалар
• Макарон өнімдері
• Нан және нан өнімдері
• Жеміс-жидек
• Жұмыртқа.

Мына тағамдарды ас мәзіріне мүлде қоспаңыз немесе өте аз мөлшерде қолданыңыз:

• Сары май
• Өсімдік майы
• Қаймақ, кілегей
• Майлы ет пен балық
• Шұжық өнімдері
• Тауықтың майлы терісі
• Қант, бал
• Жаңғақтар, пісте
• Консервіленген ет пен балық
• Тосап, джем, Тәтті торт, кондитерлік өнімдер
• Балмұздақ
• Тәтті сусындар (Кока-кола, Фанта)
• Алкогольді ішімдіктер.

Тағы бір ескертетін жәйт, ас әзірлеу барысында өсімдік майын қоспай дайындауға тырысыңыз. Арнайы күйдірмейтін қазандарды пайдалансаңыз, майсыз дайындауға болады.

Артық салмақтан арылудың негізгі ережелері мынадай:

1. Күніне 3 рет тамақтану, Тамақтану арасында 1 жеміс жеуге болады.
2. Тамақты асықпай, көп шайнау керек.
3. Көп тамақтанбау.
4. Аш қарынға дүкенге бармау.
5. Қонаққа барарда өзіңізге ұнайтын әрі диеталық тағамды үйден жеп шығу.
6. Күніне 1 шай қасық тұз жеткілікті.
7. Таза судың мөлшері 1,5 литрден асуы керек.
8. Ер немесе балық тағамын күніне бір рет түске дейін жеу ұсынылады.
9. Кешкі асты ұйқыға жатардан 4 сағат бұрын ішкен дұрыс.

Осы ережелерді сақтап, тек қана ас мәзіріне қосуға болатын тағамдарды ғана ішіп-жейтін болсаңыз, міндетті түрде артық салмақтан арыласыз. Сабырлы болыңыз, мақсатыңызға детесіз!

Дайындаған: Қ.Өмірзаққызы,

ERNUR.KZ

ТАҒЫ ДА ОҚЫҢЫЗ:

Апельсин мен жұмыртқа диетасы 7 күнде 5 келі салмақтан арылтады