Тараз маңындағы жарылыстан зардап шеккен өрт сөндірушіге шұғыл көмек керек

ERNUR.KZ. Екі ай бұрын 17 өрт сөндіруші мен әскерилер қаза тапқан жарылыста Алмаз Тұрсынов көзінен жарақат алды. Біздің дәрігерлер көзге кірген сынықты ғана ала алды. Ал көру қабілетін қайта қалпына келтіру үшін Түркия дәрігерлерінен ем алуы қажет, деп жазады Stan.kz.

Жамбыл облысындағы әскери бөлімнің қоймаларында өрт басталып, жарылыс болған кезде Алмаз алдыңғы сапта жүріп, міндетін орындады. Қайғылы оқиға 17 әскери және өрт сөндірушінің өмірін қиды, 100-ден астам адам жарақат алды. Кейбіреулер әлі де емделіп жатыр. Солардың бірі – Алмаз Тұрсынов.

Қазір 28 жастағы өрт сөндіруші-құтқарушы түрік клиникасында тексерілуде. Туыстарының айтуынша, операция үшін дәрігерлер 26 миллион теңгеге сұраған. Бірақ туыстары дәрігерлермен өзара келісімнен кейін бағаны екі есеге азайтқан.

Стамбұл дәрігерлері сұраған 15 миллионның 5 миллионын Алмазтың әріптестері жинап берді. Блогерлер тағы он миллионды жинайды. Төтенше жағдайлар министрлігі де әріптесін қиын жағдайда қалдырмауға уәде берді.

“Министрлік Премьер-Министрдің орынбасары Роман Васильевич Склярға Қазақстан Республикасында немесе шетелде Алмазды тегін емдеу мәселесін қарау туралы хат жолдады. Министрлік Түркия Республикасында Алмазды емдеуге қосымша материалдық көмек көрсету үшін қаражат іздестіруде”, – деді ҚР ТЖМ кадр саясаты департаменті бастығының міндетін атқарушы Ерік Мұхаметғалиев.