Түркияда тағы жер сілкінді

ERNUR.KZ. Түркияның оңтүстік-шығысында 5,1 балл қуатымен жаңа жер сілкінісі тіркелді, деп жазады stan.kz.

ТАСС агенттігінің мәліметінше, Түркияның оңтүстік-шығысындағы Кахраманмараш провинциясында 5,1 балдық жер сілкінісі болды.

Оның эпицентрі Гексун ауданында 9 км тереңдікте болды.

Сонымен бірге бүгін Кахраманмараш провинциясына Түркия президенті Режеп Тайып Ердоған келеді деп күтілуде.

Айта кетейік, Түркияда зілзала құрбандарының саны 6,2 мыңнан асты, тағы 37 011 адам жарақат алды.