Кеше сағат 11:10-да Ақтау қаласының маңында "Баку-Грозный" бағытындағы Әзербайжан ұшағы апатқа ұшырады.
ERNUR.KZ. Әуе кемесінің капитаны – Игорь Кшнякин. Ресей азаматы. Ол көп жылдық тәжірибесі бар маман, әуеде 15 мың сағаттан астам ұшқан, деп жазады baq.kz.
Оның ішінде 11 200 сағат – капитан лауазымында. Ресейлік БАҚ-тың мәліметі бойынша командир әуедегі жағдайға байланысты Ақтаудағы қосалқы айлаққа баруға шешім қабылдаған.
Ал ұшақты тізгіндеген ұшқыш – Александр Калянинов. Ол Баку еуропалық лицейінің түлегі. Әзербайжандық БАҚ-тың хабарлауынша, жас ұшқыш қызмет барысында ондаған адамның өмірін сақтап қалған. Калянинов лицейде білім алу кезінде үздік студенттердің бірі болған.
Қайғылы оқиғадан кейін ол түлеп ұшқан лицей Каляниновтың отбасы мен жақындарына көңіл айту хатын жолдады. Онда "ұшақ даусын естіген сайын Александрды еске аламыз" делінген.
Еске сала кетейік, кеше сағат 11:10-да Ақтау қаласының маңында "Баку-Грозный" бағытындағы Әзербайжан ұшағы апатқа ұшырады. Ақтаудағы ұшақ апатынан қаза тапқан қазақстандықтардың есімі жарияланды. Маңғыстауда апатқа ұшыраған ұшақ бұған дейін Түркияда келеңсіз оқиғаға тап болғаны белгілі болды.
Болған қайғылы оқиғаға байланысты бүгін Әзербайжанда аза тұту күні деп жарияланды.
![](/assets/thumbnails/9a/9a9972faba03475642389a998b81afa2.jpg ""Ұлымды үйлендірсем, бір қыздың обалына қалам ба деп қорқамын"")
![](/assets/thumbnails/fa/fa7b1d74282ee80d4dcfe07aaa184115.jpg ""Көре алмайтындардың кесірінен енем өте ауыр сөз айтты"")
