Апатқа ұшыраған ұшақ бортында Қазақстанның 6 азаматы болды

25.12.2024 14:13

157

Алдын ала ақпаратқа сәйкес бортта 37 Әзербайжан, 6 Қазақстан, 3 Қырғызстан, 16 РФ азаматы болған.

Фото: Kazinform

ERNUR.KZ. Ақтау қаласының маңында «Баку-Грозный» бағытындағы ұшақ апатқа ұшыраған болатын. Бұл ұшақ Azerbaijan Airlines авиакомпаниясына тиесілі, деп жазады inform.kz.

ҚР Көлік министрлігі мәлім еткендей, Әзербайжан тарапының алдын ала ақпараты бойынша, бортта 62 жолаушы мен 5 экипаж мүшесі болған.

Алдын ала ақпаратқа сәйкес бортта 37 Әзербайжан, 6 Қазақстан, 3 Қырғызстан, 16 РФ азаматы болған. Ұшақ бортында 67 адам, оның ішінде 5 экипаж мүшесі болды.

Зардап шеккендер бойынша ақпарат нақтыланып жатыр. Алдын ала мәлімет бойынша, аман қалған 25 адам бар, оның ішінде 22 адам ауруханаға жеткізілді.

Барлығы ТЖД, МӨПС, ПД-ның 150 жеке құрамы, 45 бірлік техникасы жұмылдырылды.

Жолаушылардың тізімі нақтыланып жатыр.

Оқиға орнына ҚР Төтенше жағдайлар министрлігі жеке құрамының 52 адамы мен 11 бірлік техникасы барғанын жазған болатынбыз.

Оқиғаның мән-жайы нақтыланады. Арнайы тергеу жүргізіледі.